好多人冇留意到，只要你有同理心，喺愛情上已經贏咗人哋一大步。以下呢位呢位單對單約會男客人，竟然每次約會後都被女仔劣評，究竟發生咩事呢？
男客人K年過半百，經歷過一段婚姻，唔係離婚而係喪偶，所以我哋都意想唔到，結過婚嘅佢兩性溝通上會出現重大問題。每次約會前，我哋都會提醒客人，唔好喺茶餐廳或food court進行約會，因為環境太嘈吵。點知有次K出嚟約會後，臨時改變主意，帶個女仔周圍走，雖然途中女仔已經話好攰，佢都冇反應，最後揀咗喺一個food court食飯。
除此之外，佢最大嘅問題係，成日有佢講冇人講，冇留意到女仔有冇興趣展開呢個話題。再加上佢講嘢比較直接，例如會話對方眼袋好大等等。Oh my god～呢樣都嚇咗我哋一跳。
老實講，喺中年界別，因為女多男少，男士係比較佔優嘅。但今時今日好多女士都唔需要依靠男士，面對一個唔理想嘅s對象，佢哋寧願單身都唔會想屈就，所以無論你條件如何，都要保持有品！
By: Mean Baby@HKRD
沒有留言:
張貼留言